დედასთან გატარებული უკანასკნელი საღამო

6

ერთ დღეს , 12 წლიანი ერთობლივი ცხოვრების შემდეგ, ჩემმა მეუღლემ გადაწყვიტა, რომ მე სხვა ქალთან უნდა გამეტარებინა დრო – მევახშმა და კინოთეატრში მასთან ერთად წავსულიყავი.”მე შენ მიყვარხარ, თუმცა ვიცი, რომ სხვა ქალსაც უყვარხარ და მას ძალიან სურს შენთან გაატაროს საღამო”-მითხრა ცოლმა. ეს ქალი დედაჩემი გახლდათ. 19 წელი იყო გასული მას შემდეგ, რაც მამა გარდამეცვალა და ამ დროისთვის, იმდენად გადატვირთული ვიყავი სამსახურით და ჩემი სამი შვილით, რომ ძალიან იშვიათად ვსტუმრობდი ქვრივ დედას.

იმ საღამოს დავურეკე, რომ კინოთეატრში დამეპატიჟებინა.

-ხომ მშვიდობაა? ხომ არაფერი შეგემთხვა?-მკითხა აფოარიაქებულმა, როდესაც ჩემი ხმა გაიგონა.დედაჩემი იმ კატეგორია ქალებს განეკუთვნებოდა,რომლებიც ყოველთვის ცუდ ამბავს ელოდებოდნენ, როცა ტელეფონი გვიან რეკავდა.

-ვიფიქრე შენთვის სასიამოვნო იქნებოდა, თუკი საღამოს ერთად გავატარებდით-ვუპასუხე მე.

-მეც ძალიან მინდა-მიპასუხა დედამ წამიერი დუმილის შემდეგ.პარასკევ საღამოს, სამსახურის შემდეგ, დედას სახლში გავუარე.ცოტათი ვღელავდი. ის კარებთან იდგა, ეცვა კაბა, რომელიც ქორწინების ბოლო წლისთავისთვის იყიდა. ისიც ცოტათი აღელვებული ჩანდა.

-ჩემს მეგობრებს ვუთხარი, რომ მე და ჩემი ბიჭი დღეს რესტორანში ერთად ვივახშმებთ, რამაც მათზე დიდი შთაბეჭდილება მოახდინა-მითხრა დედამ მანქანაში ჩაჯდომისას. ჩვენ არც ისე ძვირ, მაგრამ მყუდრო და ლამაზ რესტორანში წავედით. დედამ ხელი გამომდო და ისეთი სიამაყით მიდიოდა, თითქოს მსოფლიოს პირველი ლედი ყოფილიყო.მენიუს წაკითხვა მე მომიწია, რამდენადაც დედას მხოლოდ მსხვილი შრიფტის გარჩევა შეეძლო. დედა მიცქერდა და თვალებზე ნოსტალგიური ღიმილი უთამაშებდა.

-ადრე, როცა პატარა იყავი, მთელ მენიუს მე ვკითხულობდი-თქვა მან.

-ესე იგი,დადგა დრო, როცა ვალი უნდა გადაგიხადო-ღიმილით ვუპასუხე მე.

ვახშმობისას ისე გავერთვეთ საუბარში, რომ კინოთეატრშიც კი დაგვაგვიანდა. როცა სახლში მივაცილე, გამომშვიდობებისას დედამ მითხრა, რომ კიდევ სურდა რესტორანში ჩემთან ერთად ევახშმა, მხოლოდ ამჯერად ის დამპატიჟებდა.მეც დავეთანხმე.

-როგორ ჩაიარა საღამომ?-მკითხა მეუღლემ, როცა შინ დავბრუნდი.

-შესანიშნავად! გაცილებით უკეთ, ვიდრე წარმომედგინა -ვუპასუხე მე.

რამოდენიმე დღის შემდეგ დედაჩემი გულის ინფარქტით გარდაიცვალა. ეს ისე მოულოდნელად მოხდა, რომ მე ვერაფრის გაკეთება ვერ მოვასწარი. ხოლო კიდევ რამოდენიმე დღის შემდეგ მე მივიღე კონვერტი,რომელშიც იყო ქვითარი იმ რესტორნიდან გამოგზავნილი და დედაჩემის წერილი,რომელშიც ეწერა:

წინასწარ გადავიხადე ჩვენი შემდგომი ვახშმის ანგარიში.დარწმუნებული არ ვარ, რომ შევძლებ შენს გვერდით ყოფნას, თუმცა მე მაინც ორი ადამიანის – შენი და შენი მეუღლის ანგარიშზე გადავიხადე…ალბათ ვერ შევძლებ როდესმე აგიხსნა, თუ რას ნიშნავდა ჩემთვის ის საღამო, რომელიც შენ მომიწყვე,ჩემო ბიჭო. მე შენ ძალიან მიყვარხარ.”

გაუფრთხილდით მშობლებს. ისინი ერთადერთნი არიან,ვისაც გულწფელად უხარიათ თქვენი წარმატება და ბედნიერება და განიცდიან თქვენს წარუმატებლობასა და უბედურებას. იყავით მათთან ხშირად, რამდენადაც ეს შესაძლებელია. გახსოვდეთ,რომ დღე როდესაც ისინი თქვენს გვერდით აღარ იქნებიან, შეიძლება სრულიად მოულოდნელად დადგეს…

გამომგზავნი/ავტორი: გიორგი ვაჩნაძე

გაზიარება:

სამოტივაციო ინტერნეტ ჟურნალი

Loading Facebook Comments ...

Discussion6 კომენტარი

  1. gvgonia,rom sul iqnebian am qveynad.arada rogori aucilebelia… deda,shen ukve 89 wlis xar,shens mxrebze chemi agrzdis da cheshmarit qalad chamoyalibebis shromaa simqzimed.exla igives vaketeb me, vici,ufro garkvevit,raa dedis mimart shvilis damokidebuleba.vcdilob,sauketeso siberis pirobebi gqondes,iseti,rogorsac imsaxureb.uamravi,uamravi sikete da sixaruli mivige shengan,mamisgan,me xom,tqveni ertaderti da sanukvari shvili viyavi da var.sheni avtoriteti chemi siamayea deda.ar minda damrches kenwlad gulshi,rom ragac dagakeli.sihores ver vshveli ogond,romelic ase zalian gvawuxebs orives da gamudmebit mesmis,rodis chamoxval?… guli mikvdeba,rom gismen.es cxovrebam dagvashora deda.magram aris sxva samyaro,sadac samudamod ertad viqnebit…

  2. deda moulodnelad gamomecala xelidan,swored im dros roca yvelaze naklebad velodi…marto is manugeshebs rom mis gverdit viyavi da ara 3000 km-s dashorebit saberdznetshi sadac ukve 8 welia var.mdidar ojjaxshi vmushaob,am qals araperi aklia puli,saxli,manqanebi,chasacmeli samkauli…me ki misi mxolod imitom mshurs rom ded-mama yavs da mattvis yoveltvis ,,moro mu,,iqneba.gmertma yvelas iqamde umyopos tavisi deda sanam mati siyvaruli da mzrunveloba ar mobezrdebat…sanam deda gyavt, nu geshiniat…

  3. eqvsi celia ar memsim ratom?
    eqvsi celia me davrchi marto,
    eqvsi celia ar mesmis ristvis?
    eqvsi celia ver vitan ivliss…;(edgvneba chem tanjul dedas,kivilamde menatrebi… 🙁 gmertma natelshi gamyopos deeeee 🙁

Leave A Reply